എന്റെ പ്രിയപ്പെട്ട 'മണ്ടൂസിന് '

“Love me when I least deserve it, because that's when I really need it.”

നീ എന്താണ് എന്നെ കുറിച്ച് വിചാരിച്ചിരിക്കുന്നത്? ഞാന്‍ ഒരു വായി നോക്കി ആണെന്നോ? തെറ്റി പോയി നീ എന്നെ മനസ്സിലാക്കുന്നതില്‍ വല്ലാതെ തെറ്റി പോയി... ഞാന്‍ താഴെ വീട്ടിലെ പയ്യനെ നോക്കുന്നത് അവനെ കാണുമ്പോഴൊക്കെ നീ എത്രയോ നല്ലവനാണെന്ന് എന്നെ തന്നെ  ഓര്‍മിപ്പിച്ചുകൊണ്ടിരിക്കാന്‍ വേണ്ടിയാണ്. 

നീ എന്താണ് പിന്നെയും എന്നെ കുറിച്ച് ചിന്തിക്കണതു? ഞാന്‍ കുശുമ്പി ആണെന്നോ? നീ അവളോട്‌ മിണ്ടുന്നതുകൊണ്ട് എനിക്കെന്തിനാണ്‌ കുശുമ്പ്? അല്ലേല്‍ എനിക്കെന്തിനാണ്‌ സംശയം? മണ്ടന്‍! അതാ ഞാന്‍ നിന്നെ കൂടെ കൂടെ 'മണ്ടു' എന്ന് വിളിക്കണതു. അത് കുശുമ്പും സംശയവും ഒന്നും അല്ല 'മണ്ടു'... എനിക്ക് നിന്നെ അത്ര പോലും മിസ്സ്‌ ചെയ്യണത് ഇഷ്ടമല്ലാത്തതുകൊണ്ടല്ലേ? 

ഞാന്‍ പിണങ്ങുന്നത് നിന്നെ ഇഷ്ടമല്ലാത്തതുകൊണ്ടല്ല, നിന്നെ  മിസ്സ്‌ ചെയ്യുമ്പോള്‍ എനിക്കുണ്ടാകുന്ന വേദന, അത് എന്റെ തെറ്റുകള്‍ക് ഞാന്‍ സ്വയം ഏറ്റു വാങ്ങുന്ന ശിക്ഷയാണ്... 

നീ എനിക്ക് എന്തിനാണ് അത് ജീവപര്യന്തം ആക്കി മാറ്റുന്നത്? നീ സ്നേഹിക്കുമ്പോള്‍ വീണ്ടും ഞാന്‍ വിശുദ്ധമാക്കപെടുകയില്ലേ?