പിരിഞ്ഞതില്ല പിന്നെ എന്തിനു വിരഹഗാനം?

"I have seen the shadows fall Colours that fade on my wall Dressed up nowhere to go It's all in my mind, I know"

ഇവിടെയെന്ത് അവിടെയും എന്ത്...?

കാലമെങ്ങോ തീര്‍ത്ത കൈവഴികളില്‍ പിരിഞ്ഞു  നാം 

ഏതോ നേര്‍ത്ത കിനാവിന്റെ വിരല്‍ത്തുമ്പിലൂടെ ഇറ്റു വീഴും 

ചുടു ചോര നമ്മുടെ ജീവിതം! 

ഇനിയെന്ത് പാടണം ഞാന്‍ പൂങ്കുയില്‍ ...

അനുരഗമീ ഗാനം വിങ്ങുന്നു ഹൃദയത്തില്‍,

അതില്‍ നീ എഴുതിയ ലിപികളില്‍ ഞാനില്ലയെന്‍ കിനാക്കളും, 

പിരിയുകയായ്  നീ എങ്കിലും, അകലത്തില്‍ പിന്നെയും ഞാന്‍ !

അകലെയായി നിന്നിലെക്കെന്റെ കാലൊച്ചകള്‍ 

നീ അറിയാത്ത ഭാവത്തില്‍ രൂപത്തില്‍ പിന്നെയും ഞാന്‍

പിരിഞ്ഞു പോയി നീ എങ്കിലും, ഈ യാത്ര പിന്നെയും നിനക്കായ്, 

ഒഴുകുന്നു ഈ സരയൂ, നിന്നിലേക്കായി...

മൌനമായി തേങ്ങുന്നതീ നീലാവോ, ഞാനോ?

പാടുന്നതെന്തിനായ് ഞാന്‍ ?

ഓര്‍മകള്‍ പാടുകയില്ല, നീയെന്‍ ഓര്‍മയല്ല

എന്തിനായി പാടണം വിരഹഗാനം, ഞാന്‍ നിന്നെ പിരിഞ്ഞതേ ഇല്ല.